تأشيرات الاتحاد الاوروبي
كيفية التقديم لتأشيرات الاتحاد الاوروبي اسئلة واجوبة شائعة فقط مع تأشيرة كليك نساعدك علي تنظيم و تظبيط الاوراق المقدمة الي سفارات الاتحاد الاوروبي
كل ما يدور في بالك لدينا اجوبة لها نحن نقوم برفع نسبة القبول بسفارات الاتحاد الاوروبي
ما هي الاوراق المقدمة للاتحاد الاوروبي
جواز سفر حديث صالح لمدة 6 اشهر من تاريخ العودة من السفر
اثنان صورة خلفية بيضاء
كشف حساب لا يقل علي انشاؤه 6 اشهر و يوجد بها حركات لاخر 3 اشهر والا يقل عن 50 الف جنيه مصري
خطاب جهة العمل موضح به الوظيفة باللغة النجليزية او سجل تجاري و بطاقة ضربيية بالانجليزية او شهادة قيد مرسي او جامعي بالانجليزية
حجز فندق مؤكد تذكرة طيران ذهاب وعودة
تأمين صحي يغطي فترة السفر
ابليكشن الخاص بكل سفارة
السعر 3000 فقط لعملاء اجازة كليك
جواب الشغل HR LETTER
ده من اهم المستندات الي بتقدمها للسفارة علشان تثبت ان عندك وظيفة ومصدر دخل شهري. مفيش صيغة ثابتة للجواب، لانها بتختلف من شركة لشركة، بس الفورمة الاساسية بتاعته ممكن تكون كالآتي على LETTER HEAD من الشركة ومختوم بختم الشركة كمان صيغة جواب العمل في اللينك دي
الجواب بيكون مكون من فقرتين اساسيتين :-
– اول فقرة بتكتب فيها انت شغال ايه في الشركة – من سنة كام – مرتبك الشهري كام – وبعدين نبذة عن الشركة – راس المال بتاعها كام – انشئت سنة كام – سجل تجاري رقم كام – علشان يصدقوا ان الشركة دي موجودة فعلا.
الفقرة التانية بيكون فيها تواريخ السفر المتوقعة والموافقة على الاجازة من الشركة، وانك راجع تكمل شغلك في مكتبك بعد ما تخلص رحلتك.
طيب لو انا عندي عمل خاص او شركة؟ بتقدم سجل تجاري للشركة، بطاقة ضريبية، وميزانيات الشركة كمان مختومة من المراجع القانوني بتاعها. الغرض من الورق ده انك تثبت ان عندك شركة حقيقية وشغالة بالفعل. ترجم الورق في مكتب ترجمة معتمد من السفارة علشان يكون بالانجليزي. بعض السفارات زي الايطالية مثلا، بتطلب ترجمة ايطالية لبعض الاوراق.
طيب لو انا طالب؟ بتقدم ورق قيد من الجامعة يفيد انت في سنة كام. لو انت في جامعة خاصة ودفعت المصاريف الغالية بتاعتها، قدم كمان صورة من ايصال دفع المصاريف. علشان يطمن انك طالب وبتدرس فعلا ودافع المصاريف للجامعة بتاعتك علشان ترجع لها.
لو انت طالب او عاطل لسه عن العمل؟ ممن تقدم جواب عمل لوالدك ووالدتك، علشان تقولهم ان اهلك بيشتغلوا وبيصرفوا عليك. المستندات دي بتطمنهم انك مقتدر ماديا وعائليا وقد تنفع في تحسين موقفك في السفارة.
حجز طيران
تأشيرة كليك تقوم بأستخراج الطيران لك
السفارة عايزة انك تقدم حجز طيران للرحلة بتاعتك بالمواعيد الي انت كاتبها في الاستمارة
. مش لازم تحجز حجز مؤكد ومدفوع على الانترنت او من شركة طيران. , تأشيرة كليك تقوم بأستخراج الطيران لك
. اعمل مثلا حجز من ١٦ الى ٣٠ سبتمبر – القاهرة- باريس، زي التاريخ المكتوب في جواب الشغل. لازم كل التواريخ تكون واحدة في جميع المستندات الي انت بتقدمها.
لو لقيت حجز كويس على شركة مصر للطيران، ممكن تحجز وتدفع. وفي حالة الرفض لا قدر الله، مصر للطيران هي الشركة الوحدية في اعتقادي الي بترجع ليك قيمة التذكرة كاملة بدون رسوم لما تقدم ليهم جواب رفض التأشيرة.
حجز الفندق
تأشيرة كليك تقوم بحجز فندقي مؤكد لك
الفكرة في حجز الاقامة هي تقديم حجز شكله واقعي … ازاي؟
تأشيرة كليك تقوم بالحجز في اي فندق او هوستل في باريس لمدة اسبوع مثلا. وتعمل حجز كمان في مدينة فرنسية اخرى (نيس – مرسيليا) مثلا لمدة اسبوع كمان. يبقى انت من ١٦ الى ٢٢ سبتمبر في باريس و من ٢٢ الي ٣٠ سبتمبر في نيس. لو عايز تسبكها اوي كمان، اعمل حجز ٧ ايام في باريس و ٤ ايام في مرسيليا و ٣ ايام في نيس مثلا. لو رايح سفارة المانيا تعمل حجز مثلا ٧ ايام في برلين، ٣ ايام في ميونخ و٤ ايام في فرانكفورت.
يعني من الآخر مش تروح تعمل حجز لمدة اسبوعين في مدينة واحدة. هتكون حركة مفقوسة انها مضروبة. حتى لو الحجز مؤكد . لازم تقنعه انك هتعمل جولة وعندك برنامج للسفر داخل البلد.
تأشيرة كليك بتقوم بعمل حجز فندقي مؤكد ولاتقوم بألغائه الا بعد خروج جواز السفر من السفارة باسبوع
التأمين الصحي
تأشيرة كليك تقوم بعمل التأمين بشركات التأمين المعتمدة في مصر
معظم شركات التأمين المصرية والاجنبية العاملة في مصر بتعمل تأمين السفر. لازم يكون معاك صورة الباسبور وبتعمل تامين يغطي فترة التاشيرة
المطلوبة. يعني لو مقدم على رحلة اسبوعين، بتعمل تأمين اسبوعين او شهر. لو بتقدم على سنة، بتعمل تامين سنة. الشهر بحوالي 175 جنية. .
بعض السفارات بتطلب تأمين بقيمة ١٠ آلاف جنية. المقصود بالقيمة دي هي قيمة التغطية التأمينية بتاعتك في حالة لا قدر الله اصابك مكروه وانت مسافر. بتتأكد من شركة التأمين ان الوثيقة المصدرة فيها قيمه تأمينية بالمبلغ المطلوب من السفارة، ان طُلب.
تاريخ السفر
ده ممكن تثبته بحاجتين: شهادة تحركات وصور جوازات السفر القديمة
– لو اول مرة تقدم شنجن، بتعمل شهادة تحركات من مجمع التحرير وبتاخد حوالي اسبوعين. بعض السفارات بتطلبها حتى لو مش اول مرة تقدم على التأشيرة.
– ثانيا، تصور جميع الصفحات المختومة او عليها تأشيرات في جوازات سفرك القديمة والجديد كمان. لانك لازم تقدمهم كلهم وانت بتعمل التأشيرة. علشان كدة لو اترفضت في اي سفارة، مفيش داعي لتغيير الباسبور. ثانيا بيكونوا عارفين في اي سفارة شنجن انك قدمت امتى وفين قبل كدة. المقالة دي كانت بتقولك تعمل ايه لو اترفضت.
لو جواز السفر بتاعك ابيض يا ورد ودي اول مرة تسافر، ياريت تقرأ المقالة دي كلها.
صور شخصية
بتقدم صورة شخصية حديثة … متصورة قبلها بيومين مثلا. ما ينفعش تدخل السفارة مربي دقنك وتديله صور وانت حالق دقنك. اللينك ده فيه مواصفات الصور بالزبط علشان تعمل زيها.
النقطتين الفاضلين اتكلمت عليهم في مقالات سابقة، بس في الاعادة افادة:
٩– كشف حساب البنك
احد اهم طلبات السفارة هي كشف حساب بنكي الخاص بالمرتب الشهري بتاعك، علشان ده بيثبت انك موظف وعندك دخل شهري ثابت …. “طيب افرض انا عليا قروض وجمعيات وبخلص مرتبي كل شهر؟ شكل كشف الحساب هيكون وحش وانا مقدمه فاضي كده؟ طيب استلف ٢٠ ولا ٣٠ الف من امي ولا ابويا ولا اقبض الجمعية بدري واحط الفلوس قبل ما اطبع كشف الحساب؟” …. غلط!!!
لو سمحت استلف المبلغ ده او اقبض الجمعية دي قبل ما تطبع كشف الحساب ب ٦ شهور، علشان لما تطبع كشف الحساب، يبان ان فيه فائض شهري من الفلوس هتصرفه على السفرية دي.
ممكن كمان تقدم كشف حساب كروت الائتمان بتاعتك لو فيها حركة شهرية كتير. بتكون دليل على انك مقتدر ماديا والفلوس معاك رايحة جاية.
طبعا ممكن تقدم حسابات توفير في البديد او بنوك تانية. ودائع بنكية في اي بنك آخر.
طيب لو مرتبك الشهري قليل، بس عندك فلوس في حسابات شخصية تانية، تعمل ايه؟ ….. ممكن تعمل ايداعات شهرية منتظمة في نفس تاريخ مرتبك. يعني مثلا المرتب ٢٠٠٠ جنية في الشهر، اعمل ايداع ب٥٠٠٠ مثلا في نفس تاريخ نزول مرتبك. لما تعمل المقابلة وحد سألك في السفارة، قول ان مرتبك مثلا جزء ثابت وجزء متغير بينزل منفصل كل شهر. كدة يبان ان في دخل شهري بمبلغ ٧٠٠٠ جنية مثلا. برضو الكلام ده تعمله لمدة ٦ شهور. اهم حاجة ان الحساب يكون فيه حركة سحب كمان علشان يكون شكله حلو.
لو انت طالب او عاطل، قدم كشف حساب والدك ووالدتك. حسابات جارية، حسابات توفير، ودائع بنكية، ان شاء الله حتى شهادات قناة السويس. اي مستندات بتثبت بيها انك مقتدر ماديا.
هل في مبلغ معين لازم يكون في كشف الحساب؟ المقالة دي بتجاوب على السؤال.
جواب دعوة من مستضيف
هو ده الي بيقولوا عليه السم في العسل!! كتير فاكرين اني لما اروح اقولهم في السفارة اني رايح ازور خالتي في امريكا ولا عمي في هولندا، السفارة هتطمن اني هلاقي حد يتكفل بمصاريف اقامتي وانا هناك.
السفارة غالبا هتكون شاكة انك هتروح تبلط هناك في الخط زي همام في امستردام كدة. هتكسر تاشيرة وتقعد عند خالك وتشتغل شغل غير شرعي والقصص دي. ارجوك ارجوك ارجوك، لما تقدم على التاشيرة، قدم على اساس انك سايح فقط. احجز فندق واعمل برنامج للرحلة بتاعتك، وما تجبش سيرة حد هناك
مدونه
